QR Oqý-aǵartý miinstri Ashat Aimaǵambetov «Qolaily mektep» ulttyq jobasy qalai iske asatynyn túsindirdi, dep habarlaidy QazAqparat.
«Qazirgi ýaqytta 259 myń oqýshy ornyna tapshylyq bar. Boljam boiynsha 2026 jylǵa qarai oqýshy ornyna suranys shamamen 1 mln 200 myńǵa deiin ósedi. Sondyqtan, Memleket basshysynyń tapsyrmasy negizinde byltyr 277 mektep ashyldy. Biyl taǵy 225 mektep salý josparlanǵan. Sonda osy eki jylda kem degende 326 myńnan asa jańa oryndar ashylady», - dep atap ótti ministr Úkimettiń búgingi otyrysynda.
Degenmen ministr áli de mektepterdi salý boiynsha problemalyq máseleler baryn aitty.
«Osy máseleler Prezident tapsyrmasymen iske asyrylatyn jańa «Qolaily mektep» ulttyq jobasy sheńberinde sheshiledi. Birinshiden, joba sheńberinde qosymsha 841 myń orynǵa 582 jańa mektep salynady. Ekinshiden, osy mektepter sapasy joǵary biryńǵai qurylys jáne jabdyqtaý standarty qoldanylady. Úshinshiden, smetada laboratoriialarǵa, zamanaýi tehnika men oqý jabdyqtaryna 16%-dan kem jumsalmaýy qajet», - dedi ol.
Jańa mektepterde paidaly oqý alańdary da ulǵaiady. Bastaýysh synyptarǵa jeke blok qarastyrylady.
«Jańa mektepterdi pedagogtermen qamtamasyz etý úshin 100 myń bilikti kadr daiarlanady. Qazirgi ýaqytta 433 mektepti salatyn jer telimderi anyqtaldy, ákimdikter taǵy 155 jer ýchaskesin jyldyń sońyna deiin bólýi qajet», - dedi ministr.
