قر وقۋ-اعارتۋ ميينسترٸ اسحات ايماعامبەتوۆ «قولايلى مەكتەپ» ۇلتتىق جوباسى قالاي ٸسكە اساتىنىن تٷسٸندٸردٸ, دەپ حابارلايدى قازاقپارات.
«قازٸرگٸ ۋاقىتتا 259 مىڭ وقۋشى ورنىنا تاپشىلىق بار. بولجام بويىنشا 2026 جىلعا قاراي وقۋشى ورنىنا سۇرانىس شامامەن 1 ملن 200 مىڭعا دەيٸن ٶسەدٸ. سوندىقتان, مەملەكەت باسشىسىنىڭ تاپسىرماسى نەگٸزٸندە بىلتىر 277 مەكتەپ اشىلدى. بيىل تاعى 225 مەكتەپ سالۋ جوسپارلانعان. سوندا وسى ەكٸ جىلدا كەم دەگەندە 326 مىڭنان اسا جاڭا ورىندار اشىلادى», - دەپ اتاپ ٶتتٸ مينيستر ٷكٸمەتتٸڭ بٷگٸنگٸ وتىرىسىندا.
دەگەنمەن مينيستر ەلٸ دە مەكتەپتەردٸ سالۋ بويىنشا پروبلەمالىق مەسەلەلەر بارىن ايتتى.
«وسى مەسەلەلەر پرەزيدەنت تاپسىرماسىمەن ٸسكە اسىرىلاتىن جاڭا «قولايلى مەكتەپ» ۇلتتىق جوباسى شەڭبەرٸندە شەشٸلەدٸ. بٸرٸنشٸدەن, جوبا شەڭبەرٸندە قوسىمشا 841 مىڭ ورىنعا 582 جاڭا مەكتەپ سالىنادى. ەكٸنشٸدەن, وسى مەكتەپتەر ساپاسى جوعارى بٸرىڭعاي قۇرىلىس جەنە جابدىقتاۋ ستاندارتى قولدانىلادى. ٷشٸنشٸدەن, سمەتادا لابوراتورييالارعا, زاماناۋي تەحنيكا مەن وقۋ جابدىقتارىنا 16%-دان كەم جۇمسالماۋى قاجەت», - دەدٸ ول.
جاڭا مەكتەپتەردە پايدالى وقۋ الاڭدارى دا ۇلعايادى. باستاۋىش سىنىپتارعا جەكە بلوك قاراستىرىلادى.
«جاڭا مەكتەپتەردٸ پەداگوگتەرمەن قامتاماسىز ەتۋ ٷشٸن 100 مىڭ بٸلٸكتٸ كادر دايارلانادى. قازٸرگٸ ۋاقىتتا 433 مەكتەپتٸ سالاتىن جەر تەلٸمدەرٸ انىقتالدى, ەكٸمدٸكتەر تاعى 155 جەر ۋچاسكەسٸن جىلدىڭ سوڭىنا دەيٸن بٶلۋٸ قاجەت», - دەدٸ مينيستر.
