Oqýshylar mektepke ózderine yńǵaily kiimmen kele alady. Bul - karantindik shekteýler jaǵdaiynda ata-analar men oqýshylardyń yńǵaiy úshin qabyldanǵan sheshim.
Qazaqstan mektepteriniń áleýmettik jelilerinde oqýshylardyń oflain oqýǵa oralýyna bailanysty osyndai habarlandyrýlar jariialana bastady, dep habarlaidy "Ult aqparat".
«Qurmetti ata-analar! Mektep formasyna qatysty sheshimdi ózderińiz qabyldaisyzdar. Balalar mektepke mektep formasymen nemese klassikalyq stilge jaqyn ózine yńǵaily ári uqypty kiimmen kele alady. Oqý jyly bastalǵanǵa deiin Bilim jáne ǵylym ministrligi biylǵy oqý jylynda mektep formasyna qatysty sheshimdi ata-analarǵa qabyldaýǵa múmkindik beretin buiryqqa qol qoiǵan bolatyn. Bul karantindik shekteýler jaǵdaiynda ata-analar men oqýshylardyń yńǵaiy úshin qabyldanǵan sheshim», - delingen áleýmettik jelidegi habarlamada.
