"Memlekettik tizilim federaldyq qyzmetiniń sheneýnikteri Máskeý dúkenderi sóresinen qatelerge toly mektep atlasyn tapty", - dep habarlaidy Ult.kz tilshisi QazAqparat agenttigine silteme jasap.
«Moskovskii komsomoletske» (MK) atalmysh Federaldyq qyzmettiń máskeýlik basqarmasynan málim etkendei, vedomstvo mamandary sirek kezdesetin mektep atlasyn ústimizdegi jyldyń sáýirinde tapqan. Sheneýnikter kezdeisoq tańdaý arqyly birneshe atlas satyp alǵan. Olardyń arasynda «Segizinshi synypqa arnalǵan Reseidiń fizikalyq geografiiasy» kitaby bolǵan. 2016 jyly qaita basyp shyǵarylǵan atlastyń sońǵy nusqasyn 160 rýblge satyp alýǵa bolady.
Árip qatelerinen bólek, atlas qurastyrýshylary Resei aýmaǵynyń bir bóligin Qazaqstanǵa qosyp jibergen. Sondai-aq Finliandiia men Fin shyǵanaǵy arasyndaǵy shekarany syzýdy umytyp ketken.
«Onymen qosa, Qytaimen shekarany syzýda avtorlar 2008 jylǵy diplomatiialyq hattamamen engizilgen ózgeristerdi eskermegen», - dep jazdy «MK».
Sot sheshimimen kompaniiaǵa 100 myń rýbl kóleminde aiyppul salyndy.
