Astana oqýshylary ata-analarynyń komiteti mektep ashanasynyń as mázirine qurt pen irimshikti qosýdy usyndy, dep habarlaidy "Ult aqparat" «Nur Otan» partiiasynyń baspasóz qyzmetine silteme jasap.
«Belsendiler partiialyqtarǵa mektepterdiń as mázirine qurt pen irimshik siiaqty qazaqtyń ulttyq taǵamdaryn engizýdi usyndy.
Yntaly toptyń múshesi Gúlnár Omarovanyń aitýynsha, eger ony ádemilep orap berse, balalar súisinip jeitin taǵamdardyń biri bolady.
Kezdesýdiń qorytyndysy boiynsha partiia hatshysy Ilia Terenchenko belsendilerdiń kótergen máseleleriniń ózektiligi men mańyzdylyǵyn atap ótip, bastamashy top músheleriniń 14 qańtardan óz jumysyn bastaityn respýblikalyq monitoring tobynyń quramyna enetinin habarlady.
Onyń aitýynsha, «Mektep ashanalary» jobasynyń aiasynda aǵymdaǵy jyldyń 1 naýryzyna deiin partiialyqtar myńǵa jýyq mektep ashanalaryna monitoring júrgizýdi josparlap otyr.
«Bizdiń maqsatymyz - barlyq taraptardy qanaǵanttandyratyn as mázirin qalyptastyrý, sondai-aq, mektepterdegi tamaqtandyratyn jerlerde ótkizýge bolmaityn azyq-túliktiń satylýyna jol bermeý. Keleshekte partiialyqtar elordada jinaqtaǵan tájiribelerin óńirlik filialdarmen bólisetin bolady», - dedi I.Terenchenko.
