Foto: @AlArabiya_KSA
Saýd Arabiiasynda jeńil kólik pen avtobýstyń soqtyǵysýy saldarynan kem degende 20 adam qaza taýyp, taǵy 29 adam zardap shekti, - dep habarlaidy Tengritravel.kz saity Saudi Gazette-ge silteme jasap.
Basylym málimetinshe, jol apaty Abha qalasy men Mahail Asir mýhafazasyn (provintsiia) qosatyn Akaba Shaar atty jolda bolǵan. Tejegishi isten shyqqannan keiin, jolaýshylar avtobýsynyń júrgizýshisi basqarýdy igere almai kópirge soqtyǵysyp, aýdarylǵan, artynsha órtengen. Zardap shekkender umra jasaý úshin Mekkege bara jatqan.
Azamattyq qorǵanys jáne Saýd Arabiiasynyń Qyzyl Jarty Ai komandalary, sondai-aq qaýipsizdik organdary apat týraly aqparat alǵannan keiin oqiǵa ornyna dereý jetip, qutqarý jumystaryn bastady. Apattan keiin jol qozǵalysy birneshe saǵatqa jabyldy. Qaitys bolǵan qajylardyń, sondai-aq jaralylardyń deneleri aimaqtyń birneshe aýrýhanalaryna jetkizildi. Zardap shekkenderdiń kópshiligin kúiik shalǵan.
