4 mamyrdan bastap kóshege shyǵyp, sportpen shuǵyldanýǵa bolady. Bul týraly onlain baspasóz máslihatynda Qazaqstannyń bas memlekettik sanitarlyq dárigeri Aijan Esmaǵambetova málim etti, dep habarlaidy "Ult aqparat".
«Birtindep turǵyndarǵa úiden shyǵýǵa, serýendeýge ári sportpen ainalysýǵa ruqsat berýdemiz. Alaida toptasyp jinalǵan durys emes. Búginnen bastap sportpen shuǵyldanýǵa ruqsat etilgen», - dedi A. Esmaǵambetova.
Sonymen qatar ol meditsinalyq maskany taǵýǵa qatysty túsinik berdi.
«Biz maskany ǵimarattarda jáne kóshede taǵýǵa keńes beremiz. Nege dalada maska taǵý kerek? Bul turǵyda halyqaralyq tájiribeni zerttep, ózimizdegi qadamdardy eskerdik. Búginde Dúniejúzilik densaýlyq saqtaý uiymy aǵzanyń shyryshty qabatyna qoldy tigizbeý úshin maskany kóshede de taqqan durys ekenin alǵa tartyp otyr. Bul óz kezeginde indet juqtyrý joly. Zertteýlerge súiensek, adam 3 minýt ishinde eriksiz túrde, iaǵni baiqamastan betin, murnyn, kózin bes retke deiin ustaýy múmkin», - dedi Qazaqstannyń bas memlekettik sanitar dárigeri.
Budan buryn habarlanǵandai, 4 mamyrdan bastap dalada sportpen shuǵyldanyp, jattyǵý jasaýǵa ruqsat etildi.
