4 مامىردان باستاپ كٶشەگە شىعىپ, سپورتپەن شۇعىلدانۋعا بولادى. بۇل تۋرالى ونلاين باسپاسٶز مەسليحاتىندا قازاقستاننىڭ باس مەملەكەتتٸك سانيتارلىق دەرٸگەرٸ ايجان ەسماعامبەتوۆا مەلٸم ەتتٸ, دەپ حابارلايدى "ۇلت اقپارات".
«بٸرتٸندەپ تۇرعىندارعا ٷيدەن شىعۋعا, سەرۋەندەۋگە ەرٸ سپورتپەن اينالىسۋعا رۇقسات بەرۋدەمٸز. الايدا توپتاسىپ جينالعان دۇرىس ەمەس. بٷگٸننەن باستاپ سپورتپەن شۇعىلدانۋعا رۇقسات ەتٸلگەن», - دەدٸ ا. ەسماعامبەتوۆا.
سونىمەن قاتار ول مەديتسينالىق ماسكانى تاعۋعا قاتىستى تٷسٸنٸك بەردٸ.
«بٸز ماسكانى عيماراتتاردا جەنە كٶشەدە تاعۋعا كەڭەس بەرەمٸز. نەگە دالادا ماسكا تاعۋ كەرەك? بۇل تۇرعىدا حالىقارالىق تەجٸريبەنٸ زەرتتەپ, ٶزٸمٸزدەگٸ قادامداردى ەسكەردٸك. بٷگٸندە دٷنيەجٷزٸلٸك دەنساۋلىق ساقتاۋ ۇيىمى اعزانىڭ شىرىشتى قاباتىنا قولدى تيگٸزبەۋ ٷشٸن ماسكانى كٶشەدە دە تاققان دۇرىس ەكەنٸن العا تارتىپ وتىر. بۇل ٶز كەزەگٸندە ٸندەت جۇقتىرۋ جولى. زەرتتەۋلەرگە سٷيەنسەك, ادام 3 مينۋت ٸشٸندە ەرٸكسٸز تٷردە, ياعني بايقاماستان بەتٸن, مۇرنىن, كٶزٸن بەس رەتكە دەيٸن ۇستاۋى مٷمكٸن», - دەدٸ قازاقستاننىڭ باس مەملەكەتتٸك سانيتار دەرٸگەرٸ.
بۇدان بۇرىن حابارلانعانداي, 4 مامىردان باستاپ دالادا سپورتپەن شۇعىلدانىپ, جاتتىعۋ جاساۋعا رۇقسات ەتٸلدٸ.
