Meditsinalyq maskalardy alyp-satýmen ainalysqandarǵa qatań jaza belgilenedi. Bul týraly QR Densaýlyq saqtaý ministri Eljan Birtanov «Eýraziia Birinshi» arnasynyń «Basty Prime» baǵdarlamasynda aitty, dep habarlaidy QazAqparat.
«Búgin memlekettik komissiia maska alypsatarlyǵyna jaýapkershilikti qatańdatý týraly sheshim qabyldady, onyń ishinde internet arqyly satqany úshin de. Qazirgi ýaqytta olardy anyqtaý (maska alypsatarlaryn) jumystary júrgizilip jatyr. Taiaý kúnderi tirkeimiz dep oilaimyn. Sebebi komissiiada ómirlik mańyzy bar taýarlardyń shekti baǵasyn belgileý quzireti bar. Dúrbeleń bolmaýy úshin qara naryqta eki ese qymbat turatyn maskalardy óz qunynan tómen baǵaǵa satýǵa májbúrlei almaimyz. Sondyqtan biz biryńǵai ádil baǵa belgileimiz. Biraq, kez kelgen alypsatarlyq qatań jazalanady, úlken aiyppuldan bastap qylmystyq jaýapkershilikke deiin bar. Biz mundai usynysty engizdik. Qazirgi ýaqytta Úkimet muny zańgerlermen birlesip qarastyryp jatyr», - dedi Eljan Birtanov.
Onyń atap ótýinshe, mundai sharalardy álemniń kóptegen elderi engizgen.
«Bul sharalar bizge de qajet. Muny bizdiń azamattarymyz túsinedi dep oilaimyn», - dedi ministr.
Buǵan deiin Eljan Birtanov elimizde meditsinalyq maska shyǵaratyn zaýyttardyń jumysy memleket tarapyna baqylaýǵa alynatyndyǵyn aitqan edi.
