Tótenshe jaǵdai rejimin qamtamasyz etý jónindegi memlekettik komissiia meditsina qyzmetkerlerine ústemaqy tóleý tártibin bekitti, dep habarlaidy Primeminister.kz.
Resmi aqparatqa sáikes, Memleket basshysy Qasym-Jomart Toqaevtyń tapsyrmasyn oryndaý aiasynda memlekettik komissiia epidemiiaǵa qarsy is-sharalarǵa tartylǵan meditsina qyzmetkerleriniń eńbekaqysyna ai saiynǵy ústeme aqy belgileý týraly sheshimdi bekitti.
Tólemder koronavirýsty juqtyrý qaýpi bar úsh top boiynsha 3 aidyń ishinde júrgiziledi. Olar:
- "Qaýiptiligi asa joǵary" — jansaqtaý bólimshelerin qosa alǵanda, infektsiialyq statsionarlardyń dárigerleri, orta jáne kishi meditsina qyzmetkerleri. Ústemaqy 20 eń tómengi jalaqyny quraidy (Jalaqynyń eń tómengi mólsheri - 850 myń teńge);
- "Qaýiptiligi joǵary" – provizorlyq statsionarlar men jedel járdem dárigerleri, orta jáne kishi meditsina qyzmetkerleri. Ústemaqy 10 eń tómengi jalaqy - 425 myń teńgeni quraidy;
- "Qaýiptiligi ortasha" – karantindik statsionarlardaǵy dárigerler, orta jáne kishi meditsina qyzmetkerleri, sanitarlyq dárigerler (memlekettik qyzmetkerler), jedel járdem júrgizýshileri jáne t. b. Ústemaqy 5 eń tómengi jalaqy- 212,5 myń teńgeni quraidy.
Otyrysta Úkimet basshysy meditsina qyzmetkerleriniń densaýlyǵy men ómirin saqtandyrýdy qamtamasyz etýdi tapsyrdy. Osyǵan orai, meditsina qyzmetkeri koronavirýstyq infektsiiamen aýyrǵan jaǵdaida memlekettik áleýmettik saqtandyrý qorynan bólinetin bir rettik áleýmettik tólem kólemi 2 mln teńgeni, al kóz jumǵan jaǵdaida 10 mln teńgeni quraityn bolady.
