Meditsina ardageri koronavirýs infektsiiasymen kúresý kezinde vaktsinatsiianyń mańyzdylyǵyn atap ótti, dep habarlaidy QazAqparat.
Qazaqstandyq memleket jáne meditsina qairatkeri, Qazaqstan Respýblikasynyń ekinshi Densaýlyq saqtaý ministri, meditsina ǵylymdarynyń doktory Vasilii Deviatko vaktsinatsiia mańyzdylyǵy jaily aityp ótti.
«Adamzat ǵasyrlar boiy kóptegen juqpaly aýrýlardan zardap shekti. Ár ýaqytta óz aýrýlary boldy. Qazir 21 ǵasyrda biz koronavirýs siiaqty óte aýyr aýrýdy kezdestirdik. Búginde búkil álem onymen kúresýde. Kúres túrleri ártúrli jáne búgingi tańda bizdiń barlyq saýatty adamdar muny jaqsy túsinedi dep oilaimyn. Biraq sońǵy 150 jylda eń tiimdisi halyqty vaktsinalaý ekenine kúmán joq.
Men ózim jasy kelgen adammyn. Men elý jyldyq tájiribesi bar dárigermin, múmkindik paida bolǵan kezde vaktsina qabyldadym», - dedi meditsina ǵylymdarynyń doktory, professor Vasilii Deviatko.
Onyń aitýynsha, vaktsinatsiianyń qai jerde sátti júrgizilip jatqanymen búkil álem bólisti.
«Biz vaktsinatsiia qai elderde jaqsy qarqynmen júretinin jáne qandai da bir sebeptermen qarqyny baiaýlaitynyn bilemiz. Bir jerde obektivti qiyndyqtar bar. Mysaly, Úndistanda halyq sany kóp, Braziliiada aýrý men ólim sany eń kóp tirkeldi. Biz de biraz adamdy, sonyń ishinde dárigerlerimizden airyldyq. Men halyqty jasyna qaramastan, tipti sozylmaly aýrýlar bolsa da, mindetti túrde vaktsina alýǵa shaqyramyn. Vaktsinatsiia — pandemiiadan shyǵý qadamy. Bul shaqyrý da, nasihat ta emes. Bul shynymen de ómir súrý, tótep berý jáne aýyryp qalmaý úshin shuǵyl qajettilik», - dedi meditsina ardageri Vasilii Deviatko.
