15 naýryzdan bastap «Medeý» sport kesheni janyndaǵy kólik turaǵy aqyly bolady, dep habarlaidy "Ult aqparat" «Almaty parking» kompaniiasynyń Facebook paraqshasyna silteme jasap.
Avtoturaq 191 kólikke arnalǵan. Kelýshiler bir saǵat úshin 100 teńge tóleidi. Ol táýlik boiy jumys isteidi.
Avtoturaqta qorshaýlar, shlagbaým, halyqaralyq standarttarǵa sáikes belgiler bar. Kólik turaǵynyń aqysyn parkomat kómegimen nemese onlain-tólemniń barlyq túri – «Almaty turaqtary» qosymshasy, mobildi banking, QIWI terminaldary jáne SMS arqyly tóleýge bolady.
«Demalys kúnderi «Medeýge» baratyn júrgizýshiler yńǵaisyzdyqqa tap bolyp jatady. Avtoturaqta oryn jetpeidi, keshenge kireberister qoqysqa tolady. Avtokólik ielerine tolyq jabdyqtalǵan avtoturaqtyń paida bolýy jeke kólik quraldaryn paidalaný kezinde yńǵaily bolady, sonymen birge turaq erejesin buzatyndar azaiady», - dep atap ótti kompaniiadaǵylar.
