Foto: Tengrinews.kz
Ortalyq sailaý komissiiasy araǵa bir apta salyp Parlament Májilisi depýtattarynyń kezekten tys sailaýynyń túpkilikti qorytyndysyn jariialady, dep habarlaidy "Ult aqparat".
Partiialyq tizim boiynsha Májilis sailaýyna túsken 7 saiasi partiia mynadai daýys jinady:
«AMANAT» partiiasy - 3431510 (53,90%);
«Aýyl» Halyqtyq-demokratiialyq patriottyq partiiasy – 693938 (10,90%);
«Respublica» partiiasy - 547154 (8,59%);
Qazaqstan Halyq partiiasy – 432920 (6,80%);
Qazaqstannyń «Baitaq» jasyldar partiiasy - 146431 (2,30%);
«Aq Jol» Qazaqstannyń demokratiialyq partiiasy - 535139 (8,41%);
Jalpyulttyq sotsial-demokratiialyq partiia – 331058 (5,20%).
«Bárine qarsymyn» belgisi bar biýlletender sany - 248291 nemese daýys berýge qatysqan sailaýshylar daýystarynyń 3,90 protsenti;
Zań boiynsha Parlament Májilisine ótý úshin saiasi partiialar 5 paiyzdyq shekti baǵyndyrýy kerek.
Osylaisha 19 naýryzda ótken sailaýdyń qorytyndysy boiynsha Májiliske alty partiia ótti. Parlamenttiń tómengi palatasynan "Baitaq" jasyldar partiiasyna ǵana oryn buiyrmady.
Saiasi partiialar úshin depýtattyq mandattar bylaisha bólingen:
«AMANAT» partiiasy - 40;
«Aýyl» Halyqtyq-demokratiialyq patriottyq partiiasy - 8;
«Respublica» partiiasy - 6;
Qazaqstan Halyq partiiasy – 5;
«Aq Jol» Qazaqstannyń demokratiialyq partiiasy - 6;
Jalpyulttyq sotsial-demokratiialyq partiia – 4.
Eske salsaq, 19 naýryzda Qazaqstanda Májilis jáne máslihat depýtattarynyń kezekten tys sailaýy ótti. El halqy tańǵy jetiden keshki segizge deiin daýys berdi.
Biyl Májilis depýtaty mandatyna 7 saiasi partiia talasty. Parlamentke barlyǵy 98 depýtat sailanady, onyń 69-y – partiialyq tizim, 29-y bir mandatty okrýgter boiynsha ótedi. Iaǵni sailaýshylar tek saiasi partiialarǵa ǵana emes, naqty kandidattarǵa da daýys berdi.
Tizimge engen 12 mln sailaýshynyń tek 54,21%-i ǵana sailaý ýchaskelerine kelip, óz tańdaýyn jasady. Bul – sońǵy 19 jyldaǵy eń tómen kórsetkish.
