Parlament Májilisi «Qazaqstan Respýblikasyndaǵy sailaý týraly» QR Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zań jobasyn talqylaidy, dep habarlaidy QazAqparat.
«Parlament Májilisine atalǵan Konstitýtsiialyq zań jobasy kelip tústi. Bul zań jobasy Memleket basshysynyń 2021 jylǵy 1 qyrkúiektegi Joldaýyn iske asyrý jónindegi jalpyulttyq is-sharalar josparyna sáikes ázirlendi. Zań jobasynyń basty maqsaty – biliktiń ókildi tarmaǵyna áielder jáne jastarmen qatar, erekshe qajettilikteri bar adamdardyń qatysýyn qamtamasyz etý, sondai-aq olardyń pikirin eskerý, memleket tynys-tirshiligine belsendi jumysqa tartý. Komitet atalǵan zań jobasy qorytyndy ázirleýge daiyn», - dedi Májilistiń Zańnama jáne sot-quqyqtyq reforma komitetiniń tóraǵasy, depýtat Arman Qojahmetov palatynyń jalpy otyrysynda.
Sonymen qatar, Májilis depýtattary aldaǵy ýaqytta «Saiasi partiialar týraly» Qazaqstan Respýblikasynyń Zańyna ózgeris engizý týraly» zań jobasyn da talqylaityn bolady.
«Bul zań jobasy da Memleket basshysynyń Joldaýyn oryndaýǵa baǵyttalǵan. Qujat erekshe qajettilikteri bar adamdardy qosa otyryp, partiialyq tizimde kvotalanatyn sanattardy keńeitý maqsatynda ázirlendi. Komitet atalǵan zań jobasy boiynsha qorytyndy ázirleýge daiyn», - dedi A. Qojahmetov.
