Parlament Májilisiniń jalpy otyrysynda «Qazaqstan Respýblikasy men Resei Federatsiiasy arasyndaǵy áskeri yntymaqtastyq týraly shartty ratifikatsiialaý týraly» zań jobasy maquldandy, dep habarlaidy QazAqparat.
Atalǵan shart 2020 jylǵy 16 qazanda Nur-Sultan qalasynda jasaldy. Bul qujat ratifikatsiialanǵannan keiin 1994 jylǵy 28 naýryzdaǵy Qazaqstan Respýblikasy men Resei Federatsiiasy arasyndaǵy áskeri yntymaqtastyq týraly qoldanystaǵy shart óz kúshin joiady.
«Shartqa eki memleket arasyndaǵy áskeri yntymaqtastyqty jandandyryp, ony odan ári damytý maqsatynda qol qoiylǵanyn atap ótken jón. Bul rette 1994 jylǵy jasalǵan sharttyń erejeleri ýaqyt bolmysyna qarai eskirgen, sondai-aq olar iske asyrylǵan. Qujatty ratifikatsiialaý qaýipsizdikti qamtamasyz etý múddesinde áskerlerdi (kúshterdi) qoldanýdy birlesip josparlaý jáne óńirlik qaýipsizdikke tónetin syn-qaterge birlesip qarsy áreket etý, sondai-aq halyqaralyq uiym, mádeniet, sport aiasynda ózara árekettesý jáne basqa baǵyttarda áskeri yntymaqtastyq jasaýǵa múmkindik beredi. Resei Qazaqstannyń strategiialyq áriptesi», - dedi Qorǵanys ministriniń orynbasary Daryn Tuiaqov.
Onyń aitýynsha, shartty ratifikatsiialaý memleketterdiń qorǵanys qabiletin nyǵaitý, qazirgi zamanǵy syn-qaterlerge qarsy is-qimyl jasaý boiynsha úilesimdi áreket etýdi uiymdastyrý baǵytynda birlesip jumys isteýge qosymsha serpin beredi.
