Búgin Májilis Spikeri Nurlan Nyǵmatýlinniń tóraǵalyǵymen Palata Biýrosy ótip, onda aldaǵy jalpy otyrystyń kún tártibi naqtylandy. Bul týraly Májilistiń baspasóz qyzmeti habarlady.
Biýro otyrysynda depýtattar qaraýyna Eýraziialyq ekonomikalyq odaqtyń taýar jáne qyzmet kórsetý belgileri jáne taýarlar shyǵarylǵan jerlerdiń ataýlary týraly shartty ratifikatsiialaý týraly zań jobasy usynyldy.
Sharttyń maqsaty taýar jáne qyzmet kórsetý belgilerine, taýar shyǵarylatyn jerlerdiń ataýlaryna qatysty quqyqtardy alýdyń óńirlik júiesin qurý.
Sonymen qatar, kún tártibiniń jobasynda Eýraziialyq ekonomikalyq odaqqa múshe memleketterdiń temeki ónimderine aktsizder salasyndaǵy salyq saiasatyn júrgizý qaǵidattary týraly kelisimdi ratifikatsiialaý týraly zań jobasy bar.
Bul qujat temeki ónimderine aktsizderdi kezeń-kezeńmen úilestirýdi kózdeidi.
Sondai-aq, aldaǵy jalpy otyrysta depýtattar mikroqarjylyq jáne kollektorlyq qyzmetti retteý máseleleri boiynsha túzetýlerdi ekinshi oqylymda qaraityn bolady.
