Májiliste «2014 jylǵy 29 mamyrdaǵy Eýraziialyq ekonomikalyq odaq týraly shartqa ózgerister engizý týraly hattamany ratifikatsiialaý týraly» Zań jobasy maquldandy, dep habarlaidy "Ult aqparat".
QR Qarjy ministri Erulan Jamaýbaevtyń aitýynsha, atalǵan hattamaǵa 2019 jyly 1 qazanda Erevan qalasynda memleket basshylary qol qoiǵan. Shart 2015 jylǵy 1 qańtardan bastap kúshine endi, al Eýraziialyq ekonomikalyq odaqtyń Keden kodeksi eki jyldan keiin, iaǵni 2017 jyly qabyldandy.
«Keden kodeksiniń normalaryna sáikes avanstyq tólemder institýtyn engizý kózdelgen. Osyǵan bailanysty shartqa tiisti túzetýler engizý qajettiligi týyndap otyr. Aldaǵy tólenetin kedendik tólemder men salyqtar, ósimpuldar men paiyzdar esebine engizilgen aqsha avanstyq tólem dep tanylady. Qazirgi ýaqytta kedendik tazartý kezinde alty kedendik tólemder men salyqtardyń túri tólene alady», - dedi ministr Májilistiń jalpy otyrysynda.
E. Jamaýbaev osy hattamany ratifikatsiialaýdyń syrtqy ekonomikalyq qyzmet qatysýshylaryna ýaqyt únemdep, shyǵyndaryn qysqartýǵa múmkindik beretinin aitty.
«Atap aitqanda:
birinshiden, kedendik deklaratsiialaý úshin kedendik alymdy, kedendik bajdy, qosylǵan qun salyǵyn, aktsizdi, arnaiy, dempingke qarsy jáne ótemaqy bajyn tóleý úshin birneshe tólem tapsyrmalaryn paidalaný qajettiligine bailanysty shyǵyndardy barynsha azaitý;
ekinshiden, qolda bar avanstyq tólemderdi kedendik bajdardy tóleý jónindegi mindetterdi oryndaýdy qamtamasyz etý úshin paidalaný;
úshinshiden, syrtqy ekonomikalyq qyzmetke qatysýshylar osy tólemderdi paida bolǵan bereshekti óteýge paidalaný múmkindigine ie bolady;
tórtinshiden, biýdjettik synyptama kodynyń árbir túri boiynsha aqsha qarajatynyń qaldyqtaryn jeke-jeke qadaǵalaý qajettiligi joq», - dep túsindirdi ol.
Keden organy avanstyq tólemderdi engizgen tulǵanyń ótinishi boiynsha oǵan avanstyq tólemder retinde engizilgen qarajattyń jumsalýy týraly esep beredi.
«Atalǵan hattamany ratifikatsiialaý bizdiń elimiz úshin áleýmettik-ekonomikalyq jáne quqyqtyq saldarǵa ákep soqtyrmaidy jáne respýblikalyq biýdjetten qarajat bólýdi talap etpeidi. Sizderden osy Hattamany ratifikatsiialaý boiynsha oń sheshim qabyldaýlaryńyzdy suraimyz», - dedi Qarjy ministri.
