QR Parlamenti Májilisiniń depýtaty Baqytbek Smaǵul Almaty oblysyndaǵy «Baiankól» shekaralyq zastavasyna baryp, shekarashylardyń turmys-tirshiligimen tanysty, dep habarlaidy "Ult aqparat" Májilistiń baspasóz qyzmetine silteme jasap.
Baqytbek Smaǵuldyń aitýynsha, komandirler turatyn eski úilerge jóndeý júrgizilip, al qatardaǵy jaýyngerlerge arnalǵan úilerdiń qabyrǵalaryn jylý oqshaýlaǵysh materialdarmen qaptap, astyna irgetas quiyp, qysta jyly, jazda salqyn, onyń ústine alystan kórinbeitin, jasyryn, uqypty baspanalar daiyndalýda.
Sonymen qatar, sapar barysynda Baqytbek Smaǵul Raiymbek aýdany halqymen kezdesip, aýdan ortalyǵynda boi kótergen jańa ǵimarattardy jáne qazirgi kezde qyzý jumystar júrgizilip jatqan qurylys alańdaryna bardy.
Qazirgi ýaqytta aýdan ortalyǵy Narynqol aýylynda biyl jergilikti turǵyndarǵa arnalǵan 83 turǵyn úi salynýda. Al, memlekettik qyzmetkerler igiligine 4 qyzmettik turǵyn úi tapsyrylmaq.
Sondai-aq, Baqytbek Smaǵul «Jumyspen qamtý jol kartasy» negizinde Qyzylshekara aýylynyń aýyz sý júiesin qaita jańǵyrtýǵa jáne Narynqol, Jańa-Tekes aýyldarynda kóshelerdi jaryqtandyrý jumystary bastalǵanyna erekshe nazar aýdardy.
Jańa aýdannyń infraqurylymy da jańǵyrýda. Sapar aiasynda Baqytbek Smaǵul ony da baqylap qaitty. Sondai-aq, Narynqol aýdanynda jergilikti mańyzdaǵy joldar da jónge keltirilip, jańadan tóselýde.
Sonymen qatar, Májilis depýtaty Baqytbek Smaǵul Májilistiń zań shyǵarýshylyq jumysynda eskerýi úshin halyqtyń áleýmettik máselelerine erekshe nazar aýdardy.
