Foto: ashyq derekkózden
Búgin Májiliste aýyldardy spýtniktik internetpen qamtamasyz etý týraly Zań qabyldady dep habarlaidy "Ult Aqparat".
Zań jobasy jeti baǵytta usylyp otyr:
Birinshiden, 2026 jylǵy 1 qańtarǵa deiin geostatsionarlyq emes jerserikterdi (StarLink, OneWeb) paidalana otyryp, bailanys tehnologiialaryn engizý úshin múmkindik jasaýdy retteý júzege asyrylmaq. Pilottyq jobanyń tehnikalyq rejimin bailanys salasyndaǵy ýákiletti organ jáne Ulttyq qaýipsizdik komiteti aiqyndaityn bolady. Bul shalǵai aýyldardaǵy áleýmettik nysandardy internetpen qamtamasyz etýge múmkindik beredi. Birinshi kezekte 2000 aýyldyq mektep (2024 jyly) spýtniktik internetpen qamtamasyz etiledi.
Ekinshiden, avtomobil joldary boiynda talshyqty-optikalyq bailanys jelilerin salýǵa qatysty mindettemeler engiziledi. Bailanys jol jobalarynyń ajyramas bóligine ainalady. Bul shara jol magistraldary boiyndaǵy aýyldyq eldimekenderdi sapaly internetpen qamtamasyz etýge múmkindik beredi.
Úshinshisi, kommýnaldyq menshiktegi áýe elektr berý jelileriniń tirekterin óteýsiz berý. Norma eldimekenderdi bailanyspen qamtamasyz etý úshin elektr jelileriniń infraqurylymyn paidalaný quqyǵyna qosymsha engiziledi. Budan basqa, jekemenshiktegi bailanys quraldaryn ornalastyrý oryndarynyń qunyna shekti baǵa engiziledi. Elektrmen qamtamasyz etýdi eldimekenderge aparady.
Tórtinshiden, jergilikti atqarýshy organdarǵa ruqsat berý jáne antenna-dińgek qurylystaryn, qos maqsattaǵy tirekter men bailanys tirekterin salýdy júrgizý, olardy balansqa jetkizý, kútip ustaý jáne operatorlardy paidalanýǵa berý boiynsha quzyret berý (Mysaly, Qostanai oblysynda barlyq qajetti AMS qazirdiń ózinde jergilikti biýdjet esebinen salynyp jatyr, osylaisha 2 jyl ishinde búkil oblys bailanyspen qamtylatyn bolady. bul rette barlyq operatorlarǵa injenerlik infraqurylymǵa teń qoljetimdilik beriledi).
Besinshi, antenna-dińgek qurylystaryn salý úshin jer servitýty engiziledi. Bul tásil munaralardyń ornalasý jiiligin arttyrady jáne aýyldyq aimaqtardaǵy bailanysty jaqsartady.
Altynshydan, úlken aýmaqtardy úzdiksiz bailanyspen qamtý úshin virtýaldy bailanys operatorlary jumys istei bastaidy, olar barlyq operatorlardyń qolda bar bailanys infraqurylymyn bir ýaqytta paidalana alady.
Jetinshi, aýyl sharýashylyǵynda tsifrlyq tehnologiialardy engizý maqsatynda aýyl sharýashylyǵy aýmaqtarynyń bailanys qyzmetterin sýbsidiialaý engizilýde. Bul sondai-aq fermerlik sharýashylyqtar radiýsyndaǵy eldi mekenderdi sapaly bailanyspen qamtamasyz etýge múmkindik beredi.
Barlyq innovatsiialar ýákiletti memlekettik organdar men naryq ókilderiniń qatysýymen ázirlendi jáne engizildi. Osylaisha, aýyldarǵa Internettiń kelýi úshin qajetti quqyqtyq negiz jasaldy. Barlyq qabyldanǵan novellalardy is júzinde júzege asyrý máselesi qaldy.
