Foto: QR TJM
Pavlodar oblysynda shuńqyrǵa qulaǵan avtobýsty izdeý jumystary barysynda synǵan bólshekter, ottegi ballony, tynys alý apparaty jáne qutqarýshynyń sómkesi tabyldy, - dep habarlaidy "Ult aqparat" TJM baspasóz qyzmetine silteme jasap.
TJM málimetinshe, aýyr tehnikamen shuńqyrdyń shetine apparel tóselgen jáne saqtandyrý kabeli boiynsha shaǵyn gabaritti ekskavatordyń túsýi qamtamasyz etilgen.
"Avtobýstyń boljamdy ornalasqan jerinde qazba jumystary júrgizilip jatyr. Onyń barysynda avtobýstyń synǵan bólshekteri, ottegi ballony, tynys alý apparaty jáne qutqarýshynyń sómkesi tabyldy", - delingen habarlamada.
Vedomstvo málimetinshe, jumystardy júrgizý taý jynystarynyń turaqsyzdyǵyna jáne paida bolǵan shuńqyrdyń astyndaǵy bos oryndarǵa bailanysty topyraqtyń únemi qozǵalýy men syrǵýy sebepti qiyndap otyr.
"Qutqarýshylardyń qaýipsizdigin qamtamasyz etý úshin qutqarýshylar shuńqyrǵa túsýdi júrgizetin, sondai-aq ekskavator mashinisin saqtandyratyn arqan tartylady. Jumystardy júrgizý úshin shamamen 4 shaqyrym alpinistik arqan, alpinistik jabdyq, kinologiialyq esepteýler qoldanyldy.
Jumystar qiyn jaǵdaida júrgizilip jatyr. Qatysqan barlyq mamandardyń ómirlerine úlken qaýip tóndiredi. Avtobýstyń boljamdy ornalasqan jerinde bos oryndardyń bolýy múmkin jánede izdeý jumystaryn júrgizý kezinde qaita qulaý qaýpi bar", - delingen habarlamada.
Naqty ýaqyt rejiminde topyraqtyń qozǵalysyn baqylaýǵa arnalǵan qurylǵy ornatylǵan.
