Maýsymnan bastap ai saiyn 500 myń doza qazaqstandyq vaktsina shyǵaryla bastaidy. Bul týraly QR Premer-Ministriniń orynbasary Eraly Toǵjanov aitty, dep habarlaidy "Ulta qparat".
«Bizdiń vaktsinanyń tiimdili jaqsy. 25-27 sáýir kúnderi qazaqstandyq alǵashqy vaktsina negizgi habtarymyzǵa jetkiziledi dep esepteńizder. Olar Aqtóbe, Almaty, Shymkent jáne Nur-Sultan qalalarynda ornalasqan. Sondyqtan jumys osy tártippen júrgizilip jatyr. Kelesi aida, mamyrda olar taǵy 50 myń doza shyǵarady. Odan keiin onyń kólemi 100 myńǵa jetkiziledi», - dedi Eraly Toǵjanov Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, Biologiialyq qaýipsizdik problemalary ǵylymi-zertteý institýty vaktsinany óte kóp mólsherde shyǵarýǵa qaýqarsyz.
«Olar 500 myń doza mólsherinde shyǵara almaidy. Sondyqtan óndiris úshin qosymsha alań daiyndap qoidyq. Biraq, atalǵan institýttyń bazasynda vaktsinany daiyndaýǵa, óndirýge qajetti sýbstantsiia daiyndalady. Sýbstantsiiadan bal-ónim ázirlenedi. Al bal-ónim negizinde vaktsinany odan ary quiý júrgiziledi. Sondyqtan maýsym aiynan bastap úlken óndiriske, aiyna 500 myń dozaǵa shyǵa alamyz», - dedi ol.
