Qazaqstan avtobiznes qaýymdastyǵy maýsymda avtokólik satý kóleminiń óskenin habarlady, bul aida 11 418 jeńil jáne jeńil kommertsiialyq kólik, sondai-aq 436 júk kóligi men avtobýs satyldy, dep jazady Sputnik Qazaqstan.
Qostanailyq Chevrolet 4104 kólik satty (ótken jyldyń maýsymymen salystyrǵanda +35%), almatylyq Hyundai maýsymda 2529 kóliktiń kiltin tapsyrǵan (+29,9%), al Kia kólikteri úshinshi oryndy ielendi – 1316 birlik (-10,4%).
Lada dilerleri 1112 avtokólikti (+8%) satty. Eń kóp satylatyn brendterdiń bestigin Toyota túiindedi – 756 birlik (-45,6%). Odan ári tizimde: Lexus (333 birlik; +120,5%), Chery (312 birlik), Jac (306 birlik), Exeed (133 birlik) jáne Renault (66 birlik).
2022 jyldyń maýsymyndaǵy eń tanymal modelderdiń ondyǵy:
1.
Chevrolet Cobalt (2535 birlik),
2.
Chevrolet Nexia (1157 birlik),
3.
Hyundai Tucson (727 birlik),
4.
Kia Sportage (566 birlik),
5.
Hyundai Elantra (530 birlik),
6.
Hyundai Sonata (519 birlik),
7.
Lada Granta (512 birlik),
8.
Kia Soul (342 birlik),
9.
Toyota Land Cruiser Prado (314 birlik)
10.
Hyundai Santa Fe (301 birlik).
Qai qalalarda kólik kóp satyldy?
Maýsym aiynda jańa kólikterdiń basym bóligi Almatyda (3007 birlik), Nur-Sultanda (2474 birlik) jáne Shymkentte (1393 birlik) satyp alyndy. Alǵashqy ondyqqa Qaraǵandy (810 birlik), Qostanai (712 birlik), Óskemen (460 birlik), Aqtóbe (431 birlik), Pavlodar (369 birlik), Aqtaý (335 birlik) jáne Oral (324 birlik) enip otyr.
