Elordada Qazaqstannyń Azamattyq aliansynyń konferentsiiasy ótip jatyr, dep habarlaidy QazAqparat.
Konferentsiiaǵa Prezident Ákimshiligi basshysynyń birinshi orynbasary Máýlen Áshimbaev pen Aqparat jáne qoǵamdyq damý ministri Dáýren Abaev qatysýda.
Jiynda Azamattyq alianstyń ótken jylǵy jumysy qorytyndylanyp, uiymnyń 2020 jylǵa arnalǵan jumys josparyn bekitip almaq.
«Jalpy, Azamattyq alians ýaqyttyń synynan ótken, elimizdiń damýynyń bir jaýapty kezeńderinde óziniń syndardy pozitsiiasyn tanytqan, memlekettiń konstrýktivti seriktesi retinde úlken is-sharalardyń basy-qasynda júrgen qoǵamdyq uiym. Elimizdiń damýyna, qoǵam men bilik arasyna ashyq dialogtyń ornyǵýyna, ártúrli áleýmettik máselelerdiń sheshilýine Azamattyq alians jáne osy uiymǵa kirip otyrǵan memleketti emes qurylymdar ózderiniń úlken úlesin qosýda. Sońǵy birneshe jylda Azamattyq alianstyń jumysynda jańa ári tyń úrdister bar ekenin kórip otyrmyz», - dedi Máýlen Áshimbaev konferentsiia barysynda.
Onyń aitýynsha, qazir elimizdiń damýynda jańa kezeń bastalyp keledi.
«Prezidentimiz Qasym-Jomart Toqaev elimizdiń aldyna úlken maqsattar qoiyp otyr. Elbasymyzdyń saiasatynyń sabaqtastyǵyn qamtamasyz etip, elimizdi jańa belesterge shyǵarýǵa arnalǵan jumystardy júrgizip jatqanyn bilesizder. Osyndai úlken reformalardyń bári de azamattyq qoǵamnyń qatysýynsyz durys júzege asyrylmaityny túsinikti. Sondyqtan, Prezident Ákimshiligi qoǵamdyq jáne memlekettik emes uiymdarmen qarym-qatynasty ary qarai jandandyrýǵa, jańa satyǵa shyǵarýǵa múddeli», - dedi ol.
