Reseide 45 jastaǵy áiel úsh jasar múgedek qyzyn podezde uryp, balaǵattaǵan, dep habarlaidy ult.kz.
Oqiǵa túngi ýaqytta bolǵan.
Kýágerlerdiń aitýynsha, áiel qyzymen birge úiine qaityp kele jatqan. Ózdiginen júre almaityn balany múgedekter arbasymen baspaldaqpen kóterý kezinde áiel ashýǵa berilip, bar ashýyn qyzyna tókken. Ol balany uryp, aýyr sózder aityp, tipti «Nege ólip qalmaisyń, ońbaǵan» dep aiqailaǵan.
Kórshiler áieldiń buǵan deiin de balaǵa qatygezdik kórsetkenin aitqan. Olardyń sózinshe, áiel ishimdik pen esirtki qoldanýy múmkin. Sondai-aq úiine beitanys er adamdardy jii ákelip, qyzyn balkonǵa jalǵyz qamap qoiady degen kúdik bar.
Áieldiń taǵy eki uly bar ekeni belgili boldy. Kórshileriniń málimetinshe, úlken ulynyń esirtkige táýeldiligi bar, al ekinshi uly anasynan alyp ketýdi ózi suraǵan.
Oqiǵaǵa qatysty mán-jailar anyqtalyp jatyr. Balanyń qazirgi jaǵdaiy týraly aqparat ázirge belgisiz.
