رەسەيدە 45 جاستاعى ەيەل ٷش جاسار مٷگەدەك قىزىن پودەزدە ۇرىپ, بالاعاتتاعان, دەپ حابارلايدى ult.kz.
وقيعا تٷنگٸ ۋاقىتتا بولعان.
كۋەگەرلەردٸڭ ايتۋىنشا, ەيەل قىزىمەن بٸرگە ٷيٸنە قايتىپ كەلە جاتقان. ٶزدٸگٸنەن جٷرە المايتىن بالانى مٷگەدەكتەر ارباسىمەن باسپالداقپەن كٶتەرۋ كەزٸندە ەيەل اشۋعا بەرٸلٸپ, بار اشۋىن قىزىنا تٶككەن. ول بالانى ۇرىپ, اۋىر سٶزدەر ايتىپ, تٸپتٸ «نەگە ٶلٸپ قالمايسىڭ, وڭباعان» دەپ ايقايلاعان.
كٶرشٸلەر ەيەلدٸڭ بۇعان دەيٸن دە بالاعا قاتىگەزدٸك كٶرسەتكەنٸن ايتقان. ولاردىڭ سٶزٸنشە, ەيەل ٸشٸمدٸك پەن ەسٸرتكٸ قولدانۋى مٷمكٸن. سونداي-اق ٷيٸنە بەيتانىس ەر ادامداردى جيٸ ەكەلٸپ, قىزىن بالكونعا جالعىز قاماپ قويادى دەگەن كٷدٸك بار.
ەيەلدٸڭ تاعى ەكٸ ۇلى بار ەكەنٸ بەلگٸلٸ بولدى. كٶرشٸلەرٸنٸڭ مەلٸمەتٸنشە, ٷلكەن ۇلىنىڭ ەسٸرتكٸگە تەۋەلدٸلٸگٸ بار, ال ەكٸنشٸ ۇلى اناسىنان الىپ كەتۋدٸ ٶزٸ سۇراعان.
وقيعاعا قاتىستى مەن-جايلار انىقتالىپ جاتىر. بالانىڭ قازٸرگٸ جاعدايى تۋرالى اقپارات ەزٸرگە بەلگٸسٸز.
