Máskeýdegi Úlken Tsaritsyno saraiyndaǵy Ekaterina zalynda alǵash ret "Elshilik kesh" uiymdastyryldy, dep habarlaidy "Ult aqparat" QR-nyń Resei Federatsiiasyndaǵy Elshiligine silteme jasap.
Memlekettik úlken mańyzy bar "Rýhani jańǵyrý" úderisi kún sanap damyp, alǵa jyljyp keledi. Ásirese, osy baǵdarlamanyń "Jahandaǵy zamanaýi qazaqstandyq mádeniet" bólimi aiasynda elimizdiń mádenieti álemge keńinen tanylýda. Sonyń bir aiǵaǵy retinde Qazaqstannyń Reseidegi Elshiligi uiymdastyrýymen bolyp ótken mádeni basqosýy dálel.
Keshte alǵash bolyp sóz sóilegen Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi Imanǵali Tasmaǵanbetov: "Mádeniet pen óner jaǵynan da, búgingi tańda ekonomikalyq turǵydan da Qazaqstan úshin Reseidiń orny bólek. Búgin tarixi mańyzy bar Ekatirina zalynda dástúrli ánderdiń qaimaǵy sanalatyn qazaqtyń án óneri oryndalatyn bolady", - dedi.
Aita keteiik, atalmysh mádeni sharaǵa belgili qazaqstandyq jáne reseilik mádeniet qairatkerleri, Máskeýdegi qazaq qoǵamdyq birlestiginiń ókilderi, sonymen qatar Reseidegi QR Elshiligi qyzmetkerleri qatysty.
Kontserttiń árbir qatysýshysy álemdik tanymaldylyqqa ie. Qazaqstannyń eńbek sińirgen qairatkeri, kóptegen mártebeli halyqaralyq baiqaýlardyń laýreattary Álibek Dinishev, Nurjamal Úsenbaeva, Aigúl Úlkenbaeva, Aigúl Qosanova syndy tulǵalar Máskeýdegi qazaq diasporysyna óner kórsetti.
"Rýxani jańǵyrý baǵdarlamasy aiasynda ótip jatqan kóptegen mádeni sharalardyń biri Máskeýde jalǵasyn taýyp otyr. Eger, Resei men Qazaqstannyń mádeni bailanysy úzilgen bolatyn. Búgingi kezdesý eki el arasyndaǵy mádeni bailanystyń nyǵaiýýyna ákeledi degen senimdemin. Osy oraida elshimiz Imanǵali Nurǵaliulyna alǵysymdy bildiremin", – deidi kúishi-dombyrashy Aigúl Úlkenbaeva.
Kórermender otandyq kompozitorlardyń klassikalyq shyǵarmalaryn tyńdap, ádemi áserge bólendi.
"Bul sahnada óner kórsetýime múmkindik jasaǵan elshilikke rizamyn. Jetigen, qobyz, sybyzǵy aspaptaryn paidalanyp orys xalqynyń "Podmoskovnye vechera"-oryndaldy. Al, eń alǵash saxnada Reseidegi qandastarymyzdyń qurmetine qazaqtyń "Aq baian" kompozitsiiasyn oryndadyq. Qonaqtardyń bizdi jyly qarsy alýy biz úshin mańyzdy", – deidi Altyn Orda mýzykalyq tobynyń múshesi Serik Erlanov.
Kesh sońynda opera jáne kamera ánshisi Álibek Dinishev "Jelsiz túnde jaryq-ai" ánin oryndady. Onyń oryndaýshylyq máneri erekshe náziktigimen jáne tamasha lirikalyq áýenimen kelgen qonaqtardy erekshe yqylasqa bóledi.
Saltanatty kesh kópten kútken Máskeýdegi qazaqtar úshin bolashaqta este qalatyn jarqyn mádeni oqiǵa bolyp ótti. Reseidegi Qazaqstan elshiligi "Tsaritsyno" saiabaǵynyń basshylyǵyna, sondai-aq keshti uiymdastyrýǵa qolǵabys kórsetkenderge erekshe alǵys bildirdi.
