Áleýmettik jeliler men messendjerlerde áiel meditsinalyq maskany otqa jaǵyp otyrǵany túsirilgen video tarady. Videodan maskanyń janbai, eri bastaǵanyn kórýge bolady. Osydan keiin áielder materialdyń ýly ekenin málimdedi. Qazaqstannyń Densaýlyq saqtaý ministrligindegiler bul aqparatty joqqa shyǵardy, - dep habarlaidy "Ult aqparat".
Kadrda áielder Qara teńizde ekenin jáne maskany otqa jaǵyp otyrǵanyn aitady. Maska otta balqi bastaǵan kezde roliktiń avtory onyń plastikten jasalǵanyn jáne adam densaýlyǵyna aitarlyqtai keri áser etetinin málimdedi.
"Birinshiden, bul video Qazaqstanda emes, Reseide túsirilgen jáne elimizge esh qatysy joq. Ekinshiden, bizde satylatyn maskalardyń sapasy óte joǵary jáne sanitarlyq talaptarǵa sai", - dedi vedomstvodaǵylar.
Meditsinalyq maskanyń otqa janbai, erýi qyzyq nemese erekshe jait emes. Jeke qorǵanys zattary arnaiy materialdan jasalady, ol - spanbond. Ol sintetikalyq, mataǵa jatpaityn material, ol beriktigimen, joǵary jáne tómen temperatýraǵa tózimimen, sý ótkizbeý jáne infektsiiadan qorǵaýǵa qajetti ózge de qasietterimen erekshelenedi. Spanbond ýly zat emes, ol sintetikalyq material. Ony órtegen kezde ol rasymen de balqidy, biraq ziian zattar shyǵarmaidy. Rolikte aitylǵan plastik meditsinalyq maskalardy jasaý kezinde qoldanylmaidy. Osylaisha, bul video maskalardyń ýly ekenin dáleldei almaidy, al avtorlardyń málimdemeleri qate.
