Óskemen qalasynyń ákimi Jaqsylyq Omardyń B.Aleksandrov atyndaǵy Sport saraiynda ótken sharada maska taqpaǵandyǵyna qatysty ShQO Sanitariialyq-epidemiialogiialyq baqylaý departamenti tekserý júrgizýde, dep habarlaidy "Ult aqparat".
Sońǵy kúnderi áleýmettik jelilerde shahar basshysy Jaqsylyq Omardyń birneshe adamnyń arasynda maska taqpai otyryp túsken fotosýreti tarap ketken bolatyn. Jurtshylyq óńirdegi karantindik shekteýlerdiń saqtalmaǵandyǵyna narazylyq bildirdi.
«Bul B.Aleksandrov atyndaǵy Sport saraiynda ótken sharada jasalǵan sýret. QR jáne oblystyń bas memlekettik sanitariialyq dárigerleriniń qaýlylaryna sáikes kórermenderdiń qatysýymen jalpy adamdar sanyn 20%-dan asyrmai, sporttyq is-sharalardy ótkizýge ruqsat berilgen. Qazirgi ýaqytta atalǵan fakti boiynsha ShQO SEBD Óskemen qalalyq Sanitariialyq-epidemiologiialyq baqylaý basqarmasy tekserý júrgizýde. Túsken materialdar zańnamada belgilengen merzimde qaralatyn bolady», - dep habarlady ShQO Sanitariialyq-epidemiialogiialyq baqylaý departamentiniń baspasóz qyzmetinen.
Osy rette, departament mamandary jeke jáne zańdy tulǵalarǵa Shyǵys Qazaqstan oblysynyń «jasyl» aimaqta bolǵanyna qaramastan, QR jáne oblystyń bas memlekettik sanitariialyq dárigerleriniń qaýlylarymen belgilengen shekteý sharalaryn qatań saqtaý qajettigin eske saldy.
