Almatyda operativti shtab qyzmetkerleri men eriktilerdiń bastamasyn belgili blogerler, qoǵam qairatkerleri qoldady, dep habarlaidy "Ult aqparat".
Bul bastamany eriktiler kótergen. Olar jolda ótip bara jatqan kólikterge «Maska taǵyńyz» degen japsyrmany taratyp jatyr.
Bul bastamany blogerler Beibit Álibekov pen Qairat Qudaibergen qoldady.
«Aktsiia maqsaty – qala turǵyndary men jastaryn maska taǵýǵa úndeý. Bul ár adamnyń jaýapkershiligi bolýy kerek. Bul aktsiiany tek Almatyda ǵana emes, búkil respýblika boiynsha chellendj etip taratsaq degen maqsatymyz bar», - deidi shtab úilestirýshisi Alma Aýǵanbaeva.
Onyń aitýynsha, 19 naýryzda tótenshe jaǵdai jariialanǵaly beri Qazaqstandaǵy barlyq eriktiler, uiymdar birikken.
«Meniń oiymsha, búgingi aktsiia óte mańyzdy. Men ózim koronavirýspen aýyryp turǵan soń munyń barlyǵyn túsinemin. Meniń jubaiym, atam, ájem - barlyǵy aýyryp jatyr. Gigienalyq normalardy saqtamaityn adamdar osyndai áljýaz toptardyń juqtyrýyna yqpal etedi», - dedi Qairat Qudaibergenov.
