الماتىدا وپەراتيۆتٸ شتاب قىزمەتكەرلەرٸ مەن ەرٸكتٸلەردٸڭ باستاماسىن بەلگٸلٸ بلوگەرلەر, قوعام قايراتكەرلەرٸ قولدادى, دەپ حابارلايدى "ۇلت اقپارات".
بۇل باستامانى ەرٸكتٸلەر كٶتەرگەن. ولار جولدا ٶتٸپ بارا جاتقان كٶلٸكتەرگە «ماسكا تاعىڭىز» دەگەن جاپسىرمانى تاراتىپ جاتىر.
بۇل باستامانى بلوگەرلەر بەيبٸت ەلٸبەكوۆ پەن قايرات قۇدايبەرگەن قولدادى.
«اكتسييا ماقساتى – قالا تۇرعىندارى مەن جاستارىن ماسكا تاعۋعا ٷندەۋ. بۇل ەر ادامنىڭ جاۋاپكەرشٸلٸگٸ بولۋى كەرەك. بۇل اكتسييانى تەك الماتىدا عانا ەمەس, بٷكٸل رەسپۋبليكا بويىنشا چەللەندج ەتٸپ تاراتساق دەگەن ماقساتىمىز بار», - دەيدٸ شتاب ٷيلەستٸرۋشٸسٸ الما اۋعانباەۆا.
ونىڭ ايتۋىنشا, 19 ناۋرىزدا تٶتەنشە جاعداي جارييالانعالى بەرٸ قازاقستانداعى بارلىق ەرٸكتٸلەر, ۇيىمدار بٸرٸككەن.
«مەنٸڭ ويىمشا, بٷگٸنگٸ اكتسييا ٶتە ماڭىزدى. مەن ٶزٸم كوروناۆيرۋسپەن اۋىرىپ تۇرعان سوڭ مۇنىڭ بارلىعىن تٷسٸنەمٸن. مەنٸڭ جۇبايىم, اتام, ەجەم - بارلىعى اۋىرىپ جاتىر. گيگيەنالىق نورمالاردى ساقتامايتىن ادامدار وسىنداي ەلجۋاز توپتاردىڭ جۇقتىرۋىنا ىقپال ەتەدٸ», - دەدٸ قايرات قۇدايبەرگەنوۆ.
