Gollivýd akteri ári belgili rejisser Mark Dakaskos qazaqstandyq taǵy bir tarihi filmge tústi. Bul týraly Parlament Májilisindegi Úkimet saǵatynda QR Mádeniet jáne sport ministri Arystanbek Muhamediuly málim etti, dep habarlaidy "Ult aqparat".
«Atap aitqanda, «Qazaqstannyń kieli jerleriniń geografiiasy», «Altyn jaýynger», Qoja Ahmet Iasaýi jáne Aisha bibi keseneleri jaiynda filmderdiń tsikli bar. Bul týyndylar Bi-Bi-Si telearnasynyń qatysýymen daiyndaldy. «Kúltegin» derekti-tarihi filmin, Mark Dakaskostyń qatysýymen amerikalyq «Castlefilm» kompaniiasymen «Nomadtar jeri» ǵylymi tanymal filmin túsirý eskerilgen. Bul filmder sýbtitrlermen ári BUU-nyń alty tilinde dýbliajben shyǵady. Sonymen qatar olar 700 mln adamnan astam aýditoriiany qamti otyryp, Discovery, Viasat History, National Geographic telearnalarynda kórsetiledi», - dedi ministr.
Onyń sózine qaraǵanda, búgingi tańda jalpyulttyq mańyzy bar - 100, jergilikti mańyzy bar 500 kieli jerlerdiń tizimderi jasalyp, júielendi. Sonymen qatar kieli Qazaqstan teoriialyq, ádistemelik aspektiler, ujymdyq monografiia jáne taǵy da basqa ǵylymi eńbekter baspaǵa daiyndalýda. «Qazaqstannyń kieli jerleriniń geografiiasy» arnaiy jobasy kópfýnktsionaldy virtýaldy 3D-formatta tanystyrylady. Osy oraida ol barlyq mobildik qosymshalarda qoljetimdi bolady.
Esterińizge sala keteiik, Mark Dakaskos osyǵan deiin «Kóshpendiler» atty tarihi filmge túsken bolatyn. Bul týyndy 2005 jyly kinoteatrlar ekranyna shyqqan edi.
Al, ortalyq kommýnikatsiialar qyzmetiniń málimetinshe, Castlefilm kompaniiasyn gollivýd akteri ári prodiýser Keri-Hiroiýki Tagava basqarady. Filmde biregei sakraldy oryndar týraly jáne nomadtardyń ómiri jaily aitylady.
