Foto: Videodan skrinshot
Ǵalymjan Esenov, Marǵulan jáne Sáýle Seisembaevaǵa tiesili Almaty oblysyndaǵy "Alel Agro" qus fabrikasynda órt shyqty. Adam shyǵyny bar, dep habarlaidy Ult.kz GosArhiv telegram arnasyna silteme jasap.
Órt 28 shildede Ashybulaq aýylynda zaýyt aýmaǵyndaǵy ashana ǵimaratynda bastaldy. Órt 450 sharshy metrdi qamtyǵan, sóndirý kezinde qutqarýshylar er adamnyń denesin tapty.
Órt qaýipsizdigi talaptaryn buzý faktisi boiynsha qylmystyq is qozǵaldy.
Aita keteiik, «Alel Agro» Aktsionerlik Qoǵamy — broiler qus etin óndirý jáne satý boiynsha Qazaqstandaǵy eń iri óndiristik kompaniialardyń biri. Kásiporynnyń jyldyq óndiristik qýattylyǵymyz — 60 000 tonna.
Kompaniianyń málimetinshe, 2023 jyly 54,6 myń tonna qus eti men qosalqy ónimder óndirgen. «Alel Agronyń» kirisi 2023 jyly 45 mlrd teńgeni qurasa, 2024 jyly 45,7 mlrd teńge bolǵan.
"Alel Agro" AQ Ǵalymjan Esenovke (Forbes Kazakhstan bai biznesmenderiniń № 15 reitingi) — 44,04 %, Marǵulan Seisembaevqa (Seimar Ltd arqyly) — 20,64 %, Sáýle Seisembaevaǵa (agros Ltd arqyly) — 13,43% tiesili.
