Foto: facebook.com/marat.zhilanbaev
Tanymal marafonshy, azamattyq belsendi Marat Jylanbaev jeti jylǵa sottaldy, - dep habarlaidy "Ult aqparat".
29 qarashada Astana qalasynyń qylmystyq ister jónindegi aýdanaralyq soty sot tyiym salǵan ekstremistik uiymdy qarjylandyrǵany (QR QK 258-baby 2-bóligi), sondai-aq onyń qyzmetine qatysqany úshin (QR QK 405-baby 2-bóligi) Jylanbaevqa qatysty úkim shyǵardy.
Sot málimetinshe, sottalýshy QR aýmaǵynda tyiym salynǵan «Qazaqstannyń demokratiialyq tańdaýy» ekstremistik uiymynyń (budan ári – QDT) jaqtaýshysy bola otyryp, QDT kóshbasshysymen jáne onyń sheteldik shtabymen bailanysta bolyp, olardan Qazaqstan Respýblikasynyń Konstitýtsiialyq qurylymyn kúshtep ózgertý maqsatyn kózdeitin tapsyrmalar men nusqaýlar alǵan.
«Atap aitqanda, Jylanbaev shetelde jasyrynyp júrgen «QDT» shtabynyń úilestirýshisimen aldyn ala sóz bailasyp, ekstremistik qyzmetti júzege asyrý úshin paidalanylatynyn bile tura, qarjylyq, aqparattyq jáne ózge de qyzmetterdi uiymdastyrǵan.
Sotta prokýror aiyptaýdy qoldap, qoǵamdyq-saiasi qyzmetpen ainalysý quqyǵynan 3 jyl merzimge aiyra otyryp, 10 jylǵa bas bostandyǵynan aiyrý jazasyn taǵaiyndaýdy surady (QK-niń 405 – babynyń 2-bóligi boiynsha 2 jylǵa, 258-babynyń 2-bóligi boiynsha – 10 jylǵa bas bostandyǵynan aiyrý)», - delingen habarlamada.
Bul rette, qorǵaýshy tarap sottalýshyny onyń áreketinde qylmys quramynyń bolmaýyna bailanysty aqtaýdy suraǵan.
«Sottalýshynyń kinási kýágerlerdiń aiǵaqtarymen, sarapshylardyń qorytyndylarymen, zattai dáleldemelermen jáne qylmystyq istiń basqa da materialdarymen tolyq dáleldendi.
QR QK-niń 405-baby 2-bóliginiń sanktsiiasy belgili bir qyzmetpen ainalysý quqyǵynan 3 jylǵa deiingi merzimge aiyra otyryp nemese 2000 AEK-ke deiingi mólsherde aiyppul salýǵa ne sol mólsherde túzeý jumystaryna, ne 2 jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrý túrindegi jazany kózdeidi.
QR QK-niń 258-baby 2-bóliginiń sanktsiiasy múlki tárkilenip, 7 jyldan 12 jylǵa deiingi merzimge bas bostandyǵynan aiyrý túrindegi jazany kózdeidi.
Sot úkimimen Jylanbaev QR QK-niń 258-baby 2-bóligi jáne 405-babynyń 2-bóligi boiynsha qylmys jasaǵany úshin kináli dep tanyldy jáne qylmystyq quqyq buzýshylyqtar jiyntyǵy boiynsha 7 jylǵa bas bostandyǵynan aiyryldy. Sonymen qatar, qoǵamdyq-saiasi qyzmetpen, onyń ishinde buqaralyq aqparat quraldary men telekommýnikatsiia jelilerin paidalaný quqyǵynan 3 jyl merzimge aiyryldy», - delingen habarlamada.
Sot Jylanbaevtyń balasynyń baryn jáne sottalýshynyń buryn-sońdy sottalmaǵanyn qylmystyq jaýaptylyq pen jazany jeńildetetin mán-jai retinde tanyǵan, al aýyrlatatyn mán-jailar anyqtalmaǵan.
Úkim zańdy kúshine engen joq.
