Qazaqstan Respýblikasy Úkimetiniń Qaýlysymen Marat Rahmalyuly Nurǵojin basqa jumysqa aýysýyna bailanysty tsifrlyq damý, innovatsiialar jáne aeroǵarysh ónerkásibi vitse-ministri qyzmetinen bosatyldy. Bul týraly QR Premer-Ministriniń baspasóz qyzmeti habarlaidy.
Marat Nurǵojin 1957 jyly Aqmola oblysynda dúniege kelgen. N. Baýman atyndaǵy Máskeý joǵary tehnikalyq ýchilishesin támamdaǵan. Eńbek jolyn 1980 jyly bastaǵan.
Túrli jyldary Qaraǵandy politehnikalyq institýtynda, Qaraǵandy memlekettik tehnikalyq ýniversitetinde, QR Bilim jáne ǵylym ministrliginde, «Samǵaý» ulttyq ǵylymi-tehnikalyq holdingi» AQ-da, «Qazaqstan Ǵarysh Sapary» ulttyq kompaniiasy» AQ-da jumys istedi.
2016-2017 jyldary — qorǵanys jáne aeroǵarysh ónerkásibi vitse-ministri.
2019 jylǵy sáýirden bastap qazirgi tańǵa deiin QR tsifrlyq damý, innovatsiialar jáne aeroǵarysh ónerkásibi vitse-ministri laýazymyn atqardy.
