Qaznette ushý kezinde ulybritaniialyq British Airways áýe kompaniiasynyń tórt ushqyshynyń qaitys bolǵany týraly jańalyqty tarap jatyr. Jelide taraǵan aqparatqa sáikes, olar koronavirýsqa qarsy vaktsina saldyrǵan jáne sonyń saldarynan qaitys bolǵan, - dep habarlaidy Stopfake.kz.
Portal málimetinshe, bul - jalǵan aqparat.
Bul teoriianyń dáleli retinde paidalanýshylar Twitter-degi habarlamanyń skrinshotyn usynady. Onda áýe kompaniiasynyń resmi ókilderi qyzmetkerlerdiń qaitys bolǵanyn rastaidy. Biraq bul habarlama konteksten úzip alynǵan.
Shyn máninde, bul tvit paidalanýshylardyń biri jariialaǵan aýdio jazbaǵa jaýap bolǵan, onda er adam óziniń tanysy - British Airways ushqyshy oǵan egilgen áriptesteriniń aýada jappai ólip jatqanyn jáne kompaniia basshylyǵy SOVID-19-ǵa qarsy vaktsinatsiialanǵan adamdarǵa ushýǵa tyiym salý týraly shuǵyl daǵdarystyq kelissózder júrgizýde dep aitqan.
"Ókinishke qarai, jaqynda bizdiń pilottyq qoǵamdastyqtyń tórt múshesi qaitys boldy. Olardyń otbasylarymen, dostarymen birge qaiǵyramyz. Alaida, áleýmettik jelilerde aitylǵandai tórt ólimniń bir-birimen bailanysy bar degen pikirler shyndyqqa janaspaidy", - delingen British Airways Twitter-degi jaýabynda.
Ushqyshtardyń óliminiń resmi sebepteri týraly habarlanǵan joq. Sondai-aq, olar COVID-19 qarsy vaktsina aldy ma, joq pa, bul týraly da aitylmaǵan. Qaitys bolǵandardyń biri buǵan deiin COVID-19 óte aýyr túrimen aýyrǵany jáne 243 kún boiy aýrýhanada jatqany belgili, biraz ýaqyt komada bolǵan.
Ulybritaniianyń dári-dármek pen meditsinalyq maqsattaǵy buiymdardy retteý agenttigi (MHRA) de vaktsinatsiialanǵan ushqyshtarǵa ushýǵa tyiym salý týraly shuǵyl kelissózder júrgizilip jatqandyǵy týraly qaýesetti rastaǵan joq.
"Biz British Airways ushqyshtarynyń COVID-19 qarsy vaktsinatsiiadan keiin qaitys bolǵany týraly bilgen joqpyz jáne BA nemese basqa áýe kompaniialarymen COVID-19 qarsy vaktsinatsiiadan keiin ushqyshtardyń ushýyna qalai tyiym salý kerektigi týraly máseleni talqylamadyq", - dedi vedomstvo ókilderi Reuters basylymyna.
Sondai-aq, kompaniia da, basqa sheneýnikter de barlyq ushqyshtardyń áýede qaitys bolǵany jaily eshqashan aitqan emes.
Osylaisha, British Airways qyzmetkerleriniń vaktsinatsiia saldarynan qaitys bolǵany týraly habarlamalar manipýliatsiia bolyp tabylady. Kompaniianyń tórt ushqyshynyń kóz jumǵany ars, biraq olardyń óliminiń sebepteri men vaktsinatsiia mártebeleri jaily aitylǵan joq. Marqumdardyń biri SOVID-19 óte aýyr túrde aýyrǵany belgili.
