QR Qarjylyq monitoring agenttigi «Mańǵystaýmunaigaz» AQ laýazymdy tulǵalaryna qatysty qylmystyq isti aiaqtady, dep habarlaidy "Ult aqparat" agenttiktiń baspasóz qyzmetine silteme jasap.
Qarjylyq barlaý málimetteri boiynsha, shaǵyn bir kúndik firmalardan basqa qolma-qol aqshany zańsyz alý shemalaryn iri kompaniialar da qoldanady.
Aita ketý kerek, mundai kompaniialardyń somasy 10, tipti 20 ese joǵary, sáikesinshe memleketke aitarlyqtai ziian keltiredi.
Qarjylyq monitoring agenttiginiń Mańǵystaý oblysy boiynsha aýmaqtyq departamenti «Mańǵystaýmunaigaz» AQ-nyń laýazymdy tulǵalarynyń aqsha jymqyrý dereginiń jolyn kesti.
Tergeý barysynda 2017-2018 jyldary «MMG» AQ Quqyqtyq qamtamasyz etý departamentiniń direktory D.Beisembin jáne onyń orynbasary A. Dáýlenbaeva jyljymaityn múlik obektileriniń quqyq belgileýshi qujattaryn qalpyna keltirý jáne tirkeý boiynsha qyzmet kórsetkeni úshin D.Lisovoi jáne A. Iýndtpen jalǵan sharttar jasaǵandyǵy anyqtaldy.
Bul rette, AQ-nyń 700-den astam jyljymaityn múlik obektileriniń qujattary Mańǵystaý oblysynyń memlekettik muraǵatynda saqtalǵan jáne olardy qalpyna keltirý qajet bolmaǵan. Qujattardyń kóshirmeleri tegin usynylady.
Osylaisha, AQ shottarynan qarajatty zańsyz qolma-qol aqshaǵa ainaldyrý maqsatynda D.Lisovoidyń atyna negizsiz 455 million teńgeden astam qarajat aýdaryldy. Kórsetilgen qyzmetter úshin D.Lisovoi men A. Iýndt árqaisysy 10 million teńgeni ielendi.
Kináli tulǵalar 5 jylǵa bas bostandyǵynan aiyryldy.
