Áleýmettik jelide qoqiqazdy sýyqtan qutqarǵan mańǵystaýlyq turǵynnyń videosy jariialandy, dep habarlaidy "Ult aqparat".
Video avtory sýyq kúnde muzdap ushyp kete almaǵan qoqiqazdy qutqarǵanyn aitady. Turǵyn qusty ǵimaratqa kirgizip, qalai jylytyp jatqanyn taspaǵa túsirgen.
Taspaǵa qarap tońyp qalǵan qusty Mańǵystaý turǵyny ken oryndarynyń birinen tapqanǵa uqsaidy. Er adam álsirep qalǵan qusty jyly jerge ornalastyrǵan. Qus jylynyp kúsh jinaǵan soń, video avtory ony bosatyp jibergen.
Eske salsaq, buǵan deiin Aqtaýǵa qoqiqazdyń alǵashqy toby ushyp kelgenin habarlaǵan bolatynbyz.
Qazir qustar shahar mańyndaǵy Qarakól aýmaǵyna aialdaǵan. Mamandardyń aitýynsha, Aqtaýǵa qoqiqazdar Aqmola oblysyndaǵy Qorǵaljyn memlekettik tabiǵi qoryǵynyń aýmaǵyndaǵy Teńiz jáne Qorǵaljyn kólderinen ushyp kelgen.
