Mańǵystaýlyq sheneýnikter 200 mln teńge jymqyrdy degen kúdikpen qamaýǵa alyndy.
Mańǵystaý oblystyq ekonomikalyq tergeý departamentiniń habarlaýynsha, Mańǵystaý oblysy qurylys basqarmasynyń basshysy Shabai Tájiǵaraev, Beineý aýdandyq qurylys bóliminiń basshysy S. Bisenov, «Beineý qurylys» merdiger mekemesiniń bas direktory B.Saraltaev qamaýǵa alynǵan.
2017 jyly «Beineý aýdandyq qurylys bólimi» MM men merdigerlik uiym arasynda Beineý aýdanynyń Sarǵa aýylyna sý tazartý qondyrǵysy men aýylishilik sý qubyry qurylysyna memlekettik satyp alý sharty jasalǵany anyqtaldy. Qujat quny - 477,6 million teńge.
«2021 jylǵy 24 tamyzdaǵy sot-qurylys saraptamasynyń qorytyndysyna sáikes, 203,6 million teńgeniń jumysy oryndalmaǵan belgili boldy. Kúdiktiler Qazaqstan Respýblikasynyń qylmystyq is júrgizý kodeksiniń 128-babyna sáikes qamaýǵa alynyp, ýaqytsha ustaý izoliatoryna qamaldy. Qazirgi ýaqytta is boiynsha qajetti tergeý-jedel is-sharalary júrgizilýde», - delingen habarlamada.
