Foto: QR OAM
Mańǵystaý oblysy Túpqaraǵan aýdany Aqshuqyr mektep-litseiinde pedagog- kásibi baǵdar berýshi bolyp qyzmet atqaratyn Nazerke Jantańatova «PROF-Guide» jobasyn jasap shyǵardy, dep habarlaidy Ult.kz.
Joba oqýshylarǵa mamandyq tańdaý boiynsha naqty jáne júielengen aqparat usynyp, ata-ana – maman – oqýshy arasyndaǵy bailanysty nyǵaitýdy kózdeidi.
Onda kásibi baǵdarlaý boiynsha testter jiyntyǵy, mamandyq tańdaýǵa arnalǵan keńester, beiindik pánderge sáikes mamandyqtar, Qazaqstandaǵy JOO jáne kolledjder, jańa mamandyqtar týraly naqty aqparattar toptastyrylǵan.
«Sońǵy ýaqytta oqýshylardyń «Qai mamandyqty tańdasam bolady?», «Granttar týraly aqparatty qaidan tapsam bolady?» degen suraqtardy jii qoiyp júrgenin baiqadym. Mundai saýaldar kóbeigen saiyn kásibi baǵdar berý jumysyn jeńil ári qoljetimdi etý qajettiligi artty. Sol sebepti oqýshylarǵa naqty baǵyt beretin «PROF-Guide» atty Telegram botyn jasadym», – deidi Nazerke Jantańatova.
Bul tek avtomatty júie emes. Oqýshylar men ata-analar óz suraqtaryn bot arqyly joldap, joba avtorynan óz suraqtaryna jaýap ala alady.
