Mańǵystaýǵa barar jolda júk kóligi órtenip ketti, - dep habarlaidy Tengrinews.kz agenttigi "Lada" portalyna silteme jasap.
Oqiǵa Jetibai-Quryq tasjoly ýchaskesinde bolǵan. Júk kóligi túgi qalmai janyp ketken.
Oblystyq Tótenshe jaǵdailar departamenti málimetinshe, qutqarýshylar pýltine Qaraqiia aýdanynda Mercedes júk kóligi men jartylai tirkeme órtengeni týraly aqparat 1 maýsymda saǵat 17:25-te túsken. Zardap shekkender joq.
Órtti sóndirýge bes órtsóndirýshi barǵan. Saǵat 17:59-da órt sóndirilgen. Oqiǵa sebebin kezekshi tergeýshi anyqtap jatyr.
