Qalamqas ken ornyndaǵy uńǵymalardyń birinde gazdy-sý qospasy atqylady. Bul týraly Mańǵystaý oblysy ekologiia departamenti basshysynyń mindetin atqarýshy Rýslan Túkenov aityp berdi, dep habarlaidy QazAqparat Lada.kz-ke silteme jasap.
Mańǵystaýdyń ekologtary oqiǵany tekserip jatyr. Rýslan Túkenovtiń sózine qaraǵanda, oqys oqiǵa 15 naýryz kúni keshkisin Qalamqas ken ornyndaǵy uńǵymalardyń birinde bolǵan. Ken ornyn «Mańǵystaýmunaigaz» AQ paidalanady. Uńǵymany «Sibý munai kompaniiasy» JShS merdiger kompaniiasy burǵylaidy.
«Aldyn ala málimetke qaraǵanda, burǵylaý kezinde sý atqylap shyqqan kórinedi. Tekseris kezinde apattyń egjei-tegjeii aiqyndalyp, qorshaǵan ortaǵa keltirilgen zalal anyqtalady. Nátijesi keiinirek habarlanady», - dedi ol.
