قالامقاس كەن ورنىنداعى ۇڭعىمالاردىڭ بٸرٸندە گازدى-سۋ قوسپاسى اتقىلادى. بۇل تۋرالى ماڭعىستاۋ وبلىسى ەكولوگييا دەپارتامەنتٸ باسشىسىنىڭ مٸندەتٸن اتقارۋشى رۋسلان تٷكەنوۆ ايتىپ بەردٸ, دەپ حابارلايدى قازاقپارات Lada.kz-كە سٸلتەمە جاساپ.
ماڭعىستاۋدىڭ ەكولوگتارى وقيعانى تەكسەرٸپ جاتىر. رۋسلان تٷكەنوۆتٸڭ سٶزٸنە قاراعاندا, وقىس وقيعا 15 ناۋرىز كٷنٸ كەشكٸسٸن قالامقاس كەن ورنىنداعى ۇڭعىمالاردىڭ بٸرٸندە بولعان. كەن ورنىن «ماڭعىستاۋمۇنايگاز» اق پايدالانادى. ۇڭعىمانى «سيبۋ مۇناي كومپانيياسى» جشس مەردٸگەر كومپانيياسى بۇرعىلايدى.
«الدىن الا مەلٸمەتكە قاراعاندا, بۇرعىلاۋ كەزٸندە سۋ اتقىلاپ شىققان كٶرٸنەدٸ. تەكسەرٸس كەزٸندە اپاتتىڭ ەگجەي-تەگجەيٸ ايقىندالىپ, قورشاعان ورتاعا كەلتٸرٸلگەن زالال انىقتالادى. نەتيجەسٸ كەيٸنٸرەك حابارلانادى», - دەدٸ ول.
