Mańǵystaý oblysynda jyl sońyna deiin 1600-den astam adamdy munai-gaz salasyna jumysqa alý josparlanǵan. Oblys ákimi Nurlan Noǵaev ortalyq kommýnikatsiialar qyzmetinde ótken brifingide osyndai derek keltirdi, dep habarlaidy QazAqparat.
«Jetibai, Jańaózen siiaqty eldi mekenderdiń halqy jumyssyzdyq máselesi boiynsha, ár túrli sebeptermen mitingilerde tur. Jalpy, Mańystaý oblysyndaǵy jumyssyzdyq máselesin qalai sheshýge bolady dep oilaisyz», - dep surady BAQ ókili.
Nurlan Noǵaevtyń aitýynsha, Mańǵystaý oblysynda dástúrli taý-ken, munai-gaz, aýyl sharýashylyǵy, týrizm, kólik-logistika salasynda jumys oryndaryn ashý múmkindigi bar.
«Sonyń ishinde munai-gaz salasyndaǵy bosaǵan jumys oryndaryna 882 jańa jumysshy qabyldandy. Jyldyń aiaǵyna deiin 1600-den astam jumysshy alýdy josparlap otyrmyz. Biraq búkil jumyssyzdardy munai-gaz salasyna kirgizý múmkin emes. Biz qabylda dep otyrǵan azamattardyń kóbiniń tiisti bilimi nemese biliktiligi joq. Sony eskerip, mekemeler ózderine qajetti mamandardy daiyndaý kýrstaryn uiymdastyryp jatyr», - dedi ákim.
Aitýynsha, Jańaózen qalasynda jumysyzdyqpen kúrestiń jeke algoritmi bar.
«Sol algoritm boiynsha jumys júrip jatyr. Ol jumystardyń ashyqtyǵyn, ádildigin tazalyǵyn qamtamasyz etý úshin ony tsirflyq formatqa kóshirý qolǵa alynǵan, jalǵasyp jatyr. Sáikesinshe joǵaryda atalǵan salalardyń damýy jańa jumys oryndarynyń ashylýyna úlken septigin tigizedi dep otyrmyz.
Mysaly jyly jaǵajaida ashylǵan jumys oryndarynda 800-den astam mańǵystaýlyq jumys istep jatyr. Bul tájiribe alý jónindegi, jańa biliktilik alý jónindegi máselelerdi sheshýge yqpal etedi», - dedi Nurlan Noǵaev.
