t.me/chinovnik_kz
Mańǵystaý oblysynyń Qaraqiia aýdanyndaǵy Jetibai aýylynyń jumyssyz júrgen turǵyndary ashtyq jariialady. Barlyǵy munai salasyna jumysqa turǵyzýdy talap etip otyr, dep habarlaidy Sputnik Qazaqstan.
Resmi málimetke sáikes, 27 naýryzda Qaraqiia aýdanynda bastalǵan narazylyq áli jalǵasyp jatyr. Osy joly jumyssyz júrgen 50-ge jýyq adam kóshege shyǵyp, ashtyq jariialady. Buǵan deiin túsindirý jumystarynan keiin Jetibai ken ornyna baratyn jol ashylǵan bolatyn.
"Jumyssyzdar "Mańǵystaýmunaigaz" AQ-dan bos jumys oryndaryn bólý kezinde "70/30", iaǵni Jetibai kentiniń turǵyndaryna 70 paiyzyn, al qalǵan aýyldar men aýdandarǵa bos jumys oryndarynyń 30 paiyzyn berýdi talap etip otyr. Bul rette Qaraqiia aýdanynyń Quryq aýyly men Mańǵystaý oblysynyń jumyssyz turǵyndary da bos jumys oryndaryn bólýde ádilettilikti talap etýde", - deidi ákimdik mamandary.
Qaraqiia aýdanynyń ákimdigi oblys ákimdiginiń basqarmalary, aýdan prokýratýrasy jáne basqa da múddeli organdarmen birlesip, barlyǵyn birdei munai salasynda jumysqa turǵyzý múmkin emes ekenin túsindirgen. Bos jumys orny bar basqa salalarǵa da barý kerek. Biraq narazylyq bildirýshiler memlekettik organdardyń túsiniktemesin qabyldaýdan bas tartyp otyr.
Jalpy, 29 naýryzdan bastap "E-otinish" portaly arqyly ashtyq jariialaý túrindegi narazylyq aktsiiasyna barlyǵy 13 ótinish tústi. Qazirgi ýaqytta ótinishter ýákiletti memlekettik organdarda qaralyp jatyr.
"Aita keteri, tamaqtanýdan bas tartý arqyly aktsiia ótkizý qoldanystaǵy zańnamamen rettelmeidi. Barlyq másele konstrýktivti dialog arqyly, qoldanystaǵy zańnama aiasynda sheshilýge tiis", - delingen resmi habarlamada.
Ákimdik zańsyz áreketter úshin jaýapkershilik bar ekenin de eskertti.
