Foto: lada.kz
25 mamyrda Mańǵystaý oblysynyń Sai-Ótes aýylynda tasjolda jol apatynan jeti mektep túlegi zardap shekti. Bul týraly oblystyq densaýlyq saqtaý basqarmasynyń baspasóz qyzmetiniń jetekshisi Móldir Ádil málimdedi, - dep habarlaidy Tengrinews.kz agenttigi Lada.kz saityna silteme jasap.
Jeti adam ártúrli dárejedegi jaraqat aldy, olardyń ekeýi aýyr halde jatyr.
"Apatta eki túlek sanitarlyq aviatsiiamen oblystyq aýrýhanaǵa jetkizildi. Olar aýrýhanaǵa óte aýyr jaǵdaida tústi. Qalǵan bes balanyń jaǵdaiy ortasha. Olar Mańǵystaý aýdandyq aýrýhanasynda jatyr", - dedi Mańǵystaý aýdandyq aýrýhanasy direktorynyń orynbasary Oryngúl Muqanova.
Buǵan deiin Jelide Aqtaý kóshelerinde tártip buzǵan túlekter videoǵa túsip qalǵan edi. Túlekter mingen kólikter qaýipti triýkter jasaǵan. Sonymen qatar, kadrlarda mektep bitirýshilerdiń kóliktiń terezelerinen bastaryn shyǵaryp, aiqailap júrgenin baiqaýǵa bolady.
