Mańǵystaýda aýa raiynyń buzylýyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
16-17 naýryz kúnderi aimaqqa soltústikten kelgen sýyq tsiklon jalǵasady. Búgin jeldiń jyldamdyǵy kei jerlerde sekýndyna 19 metrge deiin jetedi. Erteń 23-28 metrge deiin kúsheiýi múmkin.
«Aýa temperatýrasy túnde 5 gradýsqa deiin tómendeidi. Kúndiz 10-15 gradýs jyly bolady. 18 jáne 19 naýryzda jańbyr jaýyp, sońy qarǵa ulasýy yqtimal. Qalyń tuman túsip, kóktaiǵaq bolýy múmkin», - dedi «Qazgidromet» RMK filialynyń injener-sinoptigi Natalia Bochkova.
