Mańǵystaý oblysynda kámeletke tolmaǵan qyzdy birneshe jasóspirimniń uryp-soqqany túsirilgen video áleýmettik jelide tarady, dep habarlaidy ult.kz NUR.kz aqparat portalyna silteme jasap.
Jelide jariialanǵan kadrlardan qyzdyń tizerlep otyrǵany, al keminde úsh qyzdyń ony qolymen jáne aiaǵymen beti men denesiniń basqa bólikterinen urǵany kórinedi.
Mańǵystaý oblysynyń Politsiia departamenti oqiǵaǵa qatysýshylardyń barlyǵy anyqtalǵanyn habarlady. Olar ata-analarymen birge politsiiaǵa jetkizilgen.
Politsiia qyzmetkerleri kámeletke tolmaǵandarmen jáne olardyń zańdy ókilderimen profilaktikalyq áńgime júrgizgen.
Oqiǵanyń mán-jaiy jan-jaqty tekserilip, qajetti materialdar men túsiniktemeler jinalǵan. Kámeletke tolmaǵandardy tárbieleý jáne oqytý mindetterin tiisinshe oryndamaǵany úshin olardyń ata-analary ákimshilik jaýapkershilikke tartyldy. Is materialdary sotqa joldanǵan.
Sonymen qatar materialdar kámeletke tolmaǵandar isi jónindegi komissiiaǵa jiberildi. Jasóspirimder profilaktikalyq esepke qoiylǵan.
Politsiia olardyń ózderimen jáne otbasylarymen profilaktikalyq jumysty jalǵastyratynyn málimdedi.
