Mańǵystaý oblysynda qyzmettik mindetin atqarý kezinde qaza tapqan aǵa leitenant Oljas Muhtarulynyń denesi týǵan jeri Túrkistanǵa jetkizilip, jer qoinyna tapsyryldy, dep habarlaidy ult.kz.
Qorǵanys ministrliginiń málimetinshe, áskeri qyzmetshiniń denesi 25 qyrkúiek kúni saǵat 12:00 shamasynda arnaiy ushaqpen Túrkistan qalasynyń áýejaiyna jetkizilgen.
— Túrkistan qalasynyń áýejaiyna aǵa leitenant Oljas Muhtarulynyń denesi Qorǵanys ministrliginiń arnaiy ushaǵymen jetkizildi, — dep habarlady ministrliktiń baspasóz qyzmeti.
Sol kúni marqumdy aqtyq saparǵa shyǵaryp salý rásimi ótti. Janaza namazy oqylyp, aǵa leitenant týǵan jerinde jerlendi.
