«Qulaly» - Kaspii teńiziniń soltústik-shyǵys bóligindegi doǵasha iilgen aral. Uzyndyǵy - 35, eni 5 shaqyrymdy quraidy. 55 jastaǵy jambyldyq Petr Lýpenkovtiń bul aralda ómir súrip jatqanyna biyl 26 jyl bolady, dep habarlaidy QazAqparat.
Meteorolog mamandyǵyn meńgergen Petr Ivanovich alǵashynda Qulaly aralyna teńiz aidynyndaǵy kún raiyn zertteýge ýaqytsha keledi. Keiin araldyń tabiǵatyn unatyp, osynda qalýdy uiǵarady.
«Qalaǵa jylyna bir ret shekarashylardyń tikushaǵy nemese kemesimen baryp kelemin. Alaida ý-shý ortadan, tórt qabyrǵadan tez zerigip ketemin. Bala kezimnen taýdyń eteginde óstim, tabiǵatqa jaqynmyn. Munda taza aýa, tylsym tabiǵat, ózimdi araldyń qojaiynyndai sezinemin», - deidi ol.
Qazaqstandyq «Robinzon Krýzo» Petr Lýpenkov qazirgi tańda Mańǵystaý meteorologiialyq stansasynyń «Qulaly» aralyndaǵy ókili retinde ár úsh saǵat saiyn sý deńgeiin, tolqynnyń biiktigi men jeldiń jyldamdyǵyn baqylap, ortalyqqa habarlap otyrady. Bul aqparattar teńizge shyqqan kemeler men balyqshylardyń qaýipsizdigi úshin asa qajet.
