Mańǵystaý oblysynda 13 qazannan bastap jańa shekteýler engiziledi, dep habarlaidy "Ult aqparat" oblystyń qoǵamdyq kommýnikatsiia ortalyǵyna silteme jasap.
Oblystyń bas sanitar dárigeri Ǵaziz Nadýevtyń 11 qazandaǵy qaýlysyna sáikes, erteńnen bastap óńirde karantin talaptary kúsheiedi.
Demalys kúnderi qoǵamdyq kólik júrmeidi.
Fitnes-ortalyqtar, jattyǵý zaldary jabylady. Sondai-aq, kafeler men meiramhanalar 21:00 deiin, al kiim-keshek, qurylys bazarlary men gipermarketter 16.00-ge deiin jumys isteidi.
Budan bólek, dini nysandar jumysyn toqtatady.
Jergilikti politsiia toi, as berý, sadaqa taratý sekildi otbasylyq merekelerdi ótkizýbek úshin patrýldik jumystardy kúsheitedi.
Qaýlyda jergilikti bilik pen oblystyń bas sanitar dárigeri karantin talaptaryn oryndaýdy qatań baqylaýǵa alatyny jazylǵan.
